ا الكيك كيجي أكثر من رائع و درته أكثر من 30 مرة كيجي ممتاااااااااااااااااااااز و أحسن من كيكة قدرة قادر و بنين و يصلاح نقدموه كديسير و راء الأكل و لي كلاه كيعجبه و مكيطلبش مقادير بزاف غير جربوه كينجح 100 /100 و الله على ماأقول شهيد …..

أنا خليت الكيك هذا المرة غير بنكهة ديال الفاني امدرتش الكاكاو و لكن بالكاكاو كيجي حسن …

هاد الطورطة تقريبا بحال قدرة قادر..

المقادير الطريقة:
ناخد4م ك سنيدة مع فاني او نكهة الحامض او الليمون ونعملوها فوق النار حتى تصير كراميل ونصبوه فالمول دالكيك ,

ونرجعو نحضرو الفلان فاني في نصف لتر الحليب الطريقة للي مكتوبة فالعلبة ونغليوه ونصبوه فوق الكراميل ونتركوه يعقد فالثلاجة ,

ونرجعو نحضرو الكيك فيه :
.2 بيضات+6م ك سنيدة+6م ك زيت +6م ك حليب+2 م ك كاكاو +2م ك حليب غبرة+2 خميرات +5 م ك دقيق +فاني او قشرة الليمون او الحامض حسب النكهة للي درتي فالكراميل…

نعملو الكل فمولينكس ونصبوه فوق الفلان ونعملو المول فلاطة دالفرن فيها الماء سخون وندخلوها للفرن حتى ينضج الكيك..

ملاحظة:
الا قست الكيك كتحسي بيه بحال الا باقي رطب ولكن راه الفلان هداك للي ساح بسخونة د الفرن المهم كتخرجي المول بالمهل وكتحطيه فوق شي حاجة حتى يعاود يعقد الفلان كنكرر حتى يعاود يعقد الفلان وندخلوه للثلاجة يبرد شوي

ونقلبوه فطبق التقديم ونرجعو الطورطة للثلاجة تبرد مزيان…
وبالصحة و الراحة…

url=https://www.0zz0.com][/url]