المساعد الشخصي الرقمي

مشاهدة النسخة كاملة : الامثال الشعبية المغربية



amitaf
04-03-2011, 05:53 PM
* اللي بغا يكبر شانو يحرث مع قرانو
* درتيها ايدي تودي
* زين المراة ف ضياها وزين العاتق ف حياها
* حلفت العروسة ما تحب الحماه حتى تبياض الفحمة ! !
* لا عجوزة تفلق ولا راجل يطلق
* الى شفتي موكة خطابة عرف بلارج عريس
* حديث النسا يونس ويعلم الفهامة يعملوا من الريح قلادة و يحلقوا لك بلا ما
* راح داك الزمان وناسه وجا هذ الزمان بفاسه الي يتكلم بالحق يهرسو له راسه
* العين صعيبة تتقتل الكسيبة وتخوي الزريبة لهلا يسلطها على الحبيب و الحبيبة
* لو كان الصفيحة ترد العار كن رداتو عل الحمار
* اللي زيانت ايامه تيشير بكمامه
* حبوبة ف وجهي حكيتها سال دمها ………خليتها زاد همها

* يلا غاب الوجه ما كيبقى للقفى حرمة.
* انا بلقمة لفمو و هو بالعود لعيني.
* القرع بفلوسو ارى داك الراس نبوسو.
* ادفع ما في الجيب يجيب الله ما في الغيب.
* اللي ما عندو فلوس كلامو مسوس وجلاسو بين الناس خسارة
* غرزة زايدة فيا و هم لعرى فايت فيا.

* الصنعة يلا ما غنات كتستر واقلة كتزيد فلعمر.
* اتبع صنعة بوك ليغلبوك

* ودن صمة و الاخرى فيها الماء.
* اللي ما شاف من عين الغربال اعمى
* حتى كينعسو الطيور عاد كتقوم الهامة دور.

* اللي ما جاب لا قلام ولا دواية ما عول على قراية.
* حتى تطيح الشتى يا قرمان عاد يصبن حوايجو حمان
* الحسد حتى على القروعة.

* حسدو العمى على عكازو.
* عاند ولا تحسد.
* كل غيبة كتزيد هيبة.

* عز الخيل مرابطها.
* اللي تيركب لحصان كل الناس اتوسعلو لمكان.
* جغمة من البحر و لا اجميل الكرابة.
* الموت بالردم ولا معاشرت لخدم.
* حاسبني حساب عدوك و جلسني بلاصت خوك.

* دهن شواربك بالسمن و دوز على عدوك مصبن.
* اللي ماجي لعندك لا تمشي عنده.
* اللي اتخدمو طيعو و اللي اترهنو بيعو.
* كن نحلة ما تعدم اجبح.
* كن اسبع و كولني.
* يلا شفتيها بسعدها عرفها مكملا من عندها.
* ما تشري حتى تقلب و ما تصاحب حتى تجرب.
* امدح صاحبك قدام الناس و لوم صحبك الراس فالراس.
* العراضة سنة و العاقل ما كيدنى.
* حج و حاجة و قضيان حاجة.
* الكلب يلا انضام كيردها لنيابو و الحر كيردها لدراعو.
* سيدي حادق و لالا احدق منو ، سيدي احسابو القديد و لالا كتقطع منو.
* يلا فاتك الكلام قول اسمعت ويلا فاتك الطعام قول اشبعت.
* اللي ما لقى الخير فركانو يكون الخير فلسانو.
* ما دير خير ما يطر باس.
* اج امي نوريك دار خوالي.
* لهلا يورينا فولادنا ميخلعنا.
* ادعاوي بارشاوي.
* عيطت على ديالي جاني عيطت على ديال الناس مشى و خلاني.
* ما يحكلك غي ظفرك و ما يبكيلك غي شفرك.
* مشات حليمة لمسيد ما صابتش احسن من اسعيد.
* اللي كثرو همومو كثرو اعجوبو.
* هده دار بونا والعبيد يخرجونا.
* يلا بغيتي اتوحش صاحبك سلفو.
* لكان الحمام يبيض لكان بيض قبابو.
* اللي درقك ابخيط درقو بحيط.
* اللي عندو باب وحدة الله يسدها عليه.
* اللي ما عندو سيدو عندو لا لاه .
* اللي فاتك بليلة فاتك بحيلة.
* اما من هم تقراه ولا تراه.
* تيدور الزرع حتى كيدور وكيرجع لعين الرحى.
* يلا امشا الزين كيبقاو حروفه ويلا امشا المال كيبقاو خروقه.
* الخير كيجلس والهم كيكمش.
* كيدق ويقول شكون.
* كيبيعو الارض ويضحكو على من شراها.
* حرتا ولا ورثا ولا سير حتى…
* الغربة كتلوح حتى لبلاد الشلوح.
* شط الحرير حتى تلحسو بيه لمقالي.
* ما يحس بالمزود غير اللي واكل بيه.
* اللي دارها بيديه يفكها بسنيه.
* قالو اشخصك يا لعريان قالو الخاتم يا مولاي.
* نهيه نهيه ويلا اعمى سير وخليه.
* ما بين اللقمة و الفم تيريد ويحكم.
* لالا تيها وكلشي فيها.
* الضحك كيفصخ البيع.
* اللي حبك ما بنالك قصر واللي كرهك ما حفرلك قبر.
* اللي تيكون اناني تيبقى وحداني.
* اللي اربحتيه تاكله و الدين باش تخلصو ؟

* اللي ما جابتو المحبة ما تجيبو الحجارة.
* اللي ما عندو هم كيولدوهلو لخدم.
* اللحية مكترفد اللحية غير لقبر.
* اليد اللي طعمتنا الحلال تيكونو ناسها قلال.
* جيتي من البرية وابغيتي تاخد الولية.
* خليني نبلع ريقي حتى نعرف عدوي من صديقي.
* اطلع امساري واهبط شاري.
* ما احلى الحنطل يلا كان باطل.
* الشوف ما تيبرد الجوف.
* اللي ربط حمارو مع الحمير كيتعلم الشهيق و النهيق و الخروج على الطريق.
* اللسان طويل و الدرع قصير.
* اللي خرج من دارو كيتقل مقدارو.
* اش يقدك من الصلاة يا البايت بلا اعشى.
* الجمل ما كيشوفش حدبتو كيشوف غير حدبت خوه.
* و هده يبرة بلا عين.
* ما ينفع غير الصحيح اما الراشي كايديه الريح.
* اللهم اعمش ولا اعمى.
* اللي شاف شي يقول الله يستر.
* لا مكحلة لا سكين غير الله لعوين.
* اللي فاتك بليلة فاتك بحيلة.
* مول البنات ما يبات هاني.
* ازرب تعطل.
* لو كان الخير فيا ما يتزوج راجلي عليا.
* كان راجلي واصبحت انعشقو.
* يعيى من يعطي وما يعيى من يشد.
* اللي حبابو عريانين عمرو ما يتكسى.
* ملي كطيح البقرة تيقواو السكاكن.
* اللي احشم فما ضرو الشيطان غرو.
* عيبت المدبوحة على المشلوخة قامت مطيورت المخ كتحامي.
* لو كان الخوخ يداوي لو كان داوى راسو.
* الله يجيب اللي يفهمنا ولا يعطنشاي.
* وسواس من الجن ولا وسواس من ابنادم.
* الفياق بكري بالدهب مشري.
* هاك ابوه رجليه جابوه.
* حتى يخلاق عاد نسميوه عبد الرزاق.
* الله يعطينا شي نقرة فين يغبر نحاسنا.
* حتى قط مكيهرب من دار العرس.
* الصنعة يلا ما غنات كتستر واقيلة كتزيد فلعمر.
* اشعند الميت ما يدير قدام غسالو.
* شحال ما طال الليل كيصبح النهار.
* جلسة احسن من وكلة.
* نقا على نقا ما تيورد شقا.
* الزيادة من راس لحمق.
* كول بشهوتك و لبس بشهوت الناس.
* الدين مسود الخدين ولو كان من فلسين.
* ناكلو ونردو ولا فولد لعدو
* زين الخلاق ولا زين الحلاق