المساعد الشخصي الرقمي

مشاهدة النسخة كاملة : نكت روعة جد مضحكة هههه



kinaziz
09-08-2009, 07:29 PM
هذا واحد لبخيل دا ولدوا معاه المرجان (سوبر ماركت) دخل الولد وجمع فشكلاط والحلوة وشبس وهو يقولوا باه اشهادشي قالوا ولدوا كنبغيهم ابابا كنبغيهم وهو يقولو وبوسهم ورجعهم لبلاستهم.



***

هدا واحد كيموت بقا كيهدر مع مراتو او تيقول ليها مللي جراو علي من الخدمة كنت معايا مللي مرضت وقفتي معايا مللي جراو علينا مالين الدار بقيتي معايا بقا كيشوف فيها هو يقول ليها تفو منهار شفتك ما شفت الربح المنحوسة



***

واحد جوج مبوقين كيتفرجو فالأخبار نقز واحد فيهم وهو يقول واناري اصاحبي ليوما شحال طولو فالأخبار وهو يقول ليه لاخر سكوت اصاحبي را وقيلة الحلقة الأخيرة


***


واحد كياكل بلا مايقول بسم الله... واحد نهار كال كسكس بالحرور... وهوا يهز مونادا باردا .. وقال للشيطان ودابا شوف باش تبرد ... يا بسم الله



***

هدو جوج مكلخين غاديين فالاوطوروت ..اللي سايق بغا يدوبل واحد السيارة و هو يقول لصاحبو شوف عفاك واش السينيال خدام !! لاخر على نيتو و مع مكلخ قال ليه خدام مخدامش خدام مخدامش ..........(كيشعل و يطفا السينيال)
***

.كالك هدا واحد لفقيه معكاز مزياااان واحد نهار في الجمعة دار الخطبة و صلا بالناس ميلي سالا قال ليهم شكون اللي عارف قصة سيدنا داود كولشي هز صبعو أو هو يقول ليهم بلا تجيو الجمعة الجاية.
***


واحد الرجل فقير بزاف خرج من الجامع أو هو يشري واحد الدلاحا ، هيا هديك أ سيدي مشا لدار أو هو يشد موس أو يلاه بغا يقسمها أو هو يخرج ليه واحد الجن قال ليه اللي بغيتيها نحضرها ليك ، قال ليه بغيت قصر أو .. أو .. أو زيد أو زيد ميلي سالا قال ليه الجن : هاهاهاها كون كان عندي قصر كاعما تلقاني فهاد الدلاحة !!

***
واحد الشفار دخل لواحد الدار أو هو يهز واحد الموس على المرا قال ليها أشنو سميتك قالت ليه حليمة قال ليها صافي ما غاديش نقتلك حيت سميتك بحال سميت لواليدا أو حالف ما نقتل شي وحدة بحال لواليدا أو خو يسول الراجل أشنو سميتك قال ليه بوشعيب والاكين كيعيطو ليا في الدرب حليمة

***
هادا واحد الواحد مريد في عقلو ربح مليار في اللوطو كل غادي نشارجي مها كاملة في التيليفون .. عيط لـ 555 أو هي تدوي معاه هدك خيتي كالت ليه


{ ان رصيد بطاقتكم الى يوم القيامة
***

واحد المرأة شيرت للطاكسي، خرج راسو من الشرجم أو قال ليها فين غادية آ لآلة؟؟؟ قالتلو ما قلتها حتى لراجلي ما بقيت غير نتا.
***


واحدة قالت لراجلها حلمت البارح شريتي ليا لبسة واعرة ..وقال ليها اليوم حلمي راسك لابساها
***